Bioerresonantzia

Bizirik dauden organismoen izaera bio-elektrikoan eta bibrazioetan oinarritzen

Bioerresonantzia magnetikoa metodo ez-inbaditzaile bat da. Biofisika eta teoria kuantikoa erabiltzen ditu gaixotasunak diagnostikatzeko eta tratatzeko, bizirik dauden organismoen izaera bio-elektrikoan eta bibrazioetan oinarrituz. Oreka organikoa berreskuratzean oinarritzen da, organismoa gaixotzen duten uhin patologikoak neutralizatuz eta organismoak behar dituen uhin terapeutikoak indartuz.

UNEAn, eskaner Biointegral Aurreratua (ESBIA) daukagu, azken belaunaldiko bioerresonantzia-ekipo bat. Eskaner horrek asko laguntzen du pazientearen ebaluazioan eta tratamendu funtzionalean, eta organo eta sistemen frekuentzia-patroiak erregistratzen ditu modu ez-inbaditzailean. 

Nola funtzionatzen du? 

ESBIA eskanerrak oso intentsitate txikiko seinaleak (giza entzumenaren atalasetik beherakoak) igortzen eta jasotzen dituen teknologia erabiltzen du induktore magnetikoen bidez (aurikularrak). 

Frekuentzia-patroi horiek gorputz osoa aztertzen dute giza gorputzaren egoera funtzionala eskaneatu eta detektatzeko, eta egitura biologikoen informazioa arakatzeko (organoak, ehunak, zelulak edo maila molekularra),  gaixotasun fisikoak sor ditzaketen edo sortu dituzten alterazioak non dauden finkatuz. Datuak jaso ondoren, ESBIA eskanerrak, bere softwarearen bidez, datu horiek aldera ditzake ia 14.000 substantzia jasotzen dituen datu-base batekin. Horrela, honako hauei buruzko informazioa lor daiteke:

  • Patologiari dagokion probabilitaterik altuena.
  • Bakterio, birus, parasito, kandida, toxiko eta abarrei buruzko datuak.
  • Aminoazidoak, bitaminak.
  • Metal astunen intoxikazio-maila eta profil minerala.
  • Elikagaiekiko sentikortasun-testa.
  • Emaitzen alderaketa eta bilakaera, tratamendua egokia den ala ez jakiteko.

“Frekuentzia-patroi horiek gorputz osoa aztertzen dute giza gorputzaren egoera funtzionala eskaneatuz”.

Gainera, ebaluazioaren ondoren, frekuentzia interferenteak frekuentzia terapeutiko bihurtu eta horiek organismora itzul daitezke. Horrela, gorputzarentzat kaltegarriak diren substantzien informazioa ezabatu eta oreka funtzionala berreskura daiteke ehunetan, organoetan, zeluletan eta molekuletan. Honako aukera terapeutiko hauek eskaintzen ditu:

  • Terapia pazientearen frekuentziekin.
  • Erremedio homeopatikoetan, fitoterapian eta mineraletan egokienak diren frekuentzien bidezko terapia.
  • Paziente bakoitzarentzat osagarririk egokiena zein den ebaluatzea, terapia pertsonalizatua egin ahal izateko.

ESBIA bioerresonantzia-sistemak terapia guztiz indibidualizatua egiteko aukera ematen du, organismoa bateratuz eta autosendakuntza ahalbidetuz.